Igrexa de San Cristovo de Beseño

Parroquia: Beseño ( San Cristovo)
Lugar: A Eirexe – 15824 Touro

Esta igrexa, de estilo barroco, foi construída no século XVIII, combinando cachotaría e cantaría de granito, aínda que revocadas. Un dos seus elementos máis chamativos é o campanario, de clara influencia do barroco compostelán.

O templo está dedicado a San Cristovo, patrón da parroquia é considerado o protector dos viaxeiros e moi venerado na tradición cristiá. A súa imaxe soe representarse levando o Neno Xesús sobre o ombreiro mentres cruza un río, símbolo de fortaleza e fe.

En moitas localidades, esta festividade celébrase acompañada de bendicións a vehículos e procesións. Aquí nesta parroquia celébrase o último domingo de xullo e como a meirande parte das igrexas da zona, a igrexa só abre en horario de misa.